ဟန်ဆောင်တဲ့ လူတွေကို မုန်း၏။
ကိုယ့်ကို မလှပဲနဲ. လှဟန်ဆောင်တယ်လို.လူတွေက ပြောတယ်။ ဟမ် မှုတ်ပါဘူး။ သူများတို.က ရွက်ကြမ်းရေကြိုလေးကို မိပ်ကပ်နဲ. အဝတ်အစားနဲ. ကျားကန်ထားတာပါ။ ငါ့ဟာငါ ဝယ်ဝတ်တော့ ဘာဖြစ်သေးဒုန်း။ သူ.ပိုက်ဆံသွားသုံးတာလည်း မဟုတ်ပဲနဲ.။ ငါ့ဟာငါ ကျားပဲကန်ကန် ကြောင်ပဲကန်ကန်ပေါ့။ လူတွေများ အားယားနိုင်လွန်းတယ်။ ယားရင် ကုတ်နေ။ စကားသိပ်မရှည်ကြနဲ.။ မိပ်ကပ်လိမ်းတာ အပြစ်လား။ လှတယ်ထင်တဲ့ အန်ဂယ်လ်လေးက ဆွဲရိုက်တယ် ဘာဖြစ်သေးဒုန်း။ မလှတဲ့ ပုံကြီး တင်ရမှာလား။ အပုံ၁၀၀ ရိုက်တဲ့ထဲက ကံကောင်းလို.ထွက်လာတဲ့ လှတဲ့ ၁ပုံကို တင်တာ။ မကျေနပ်ရင် ကျော်ကြည့်။ ဒါဟန်ဆောင်တာမဟုတ်ဘူး။ မလှလှအောင် အပတ်တကုတ် ကြိုးစားအားထုတ်ထားတာ။
အဲ အပေါ်ကဟာကတော့ ဘာရယ်လို.မဟုတ်ဖူး ငါ့ဘလော့မှာ ငါဗိုလ်လို.ပြောချင်တဲ့ သဘောနဲ. အလကားနေရင်းလျှောက်ဆဲကြည့်တာ။ ခုမှ တကယ့်အကြောင်းကစမည်။ ထုံးစံအတိုင်းအစားအသောက်အကြောင်းပေါ့။ အရေးကြီးဒယ်နော် ၂ရက်လောက် ထမင်းမစားပဲ နေကြည့်ပါလား အစားအသောက်အရေးကြီးကြောင်းသိသွားမယ်။ ပြောပြတာပါ။ နိုင်ငံခြားမှာ အလုပ်လုပ်နေရဆိုတာ သူများနိုင်ငံမှာ ကြိုးစားပမ်းစားနဲ. ပင်ပန်းတကြီးလုပ်ကြရတာပါ။ ငါ့အလုပ်က ကုမ္မဏီအကြီးကြီးပဲ ငါတို.ကအေးဆေးပဲ ဘာညာလုပ်မနေနဲ. ပြုတ်မှခွေးဖြစ်လိမ့်မယ်။ ဒုက္ခရောက်မှ ကိုယ်ချင်းစာတတ်တာ။ များသောအားဖြင့်အားလုံးလိုလို ပင်ပင်ပန်းပန်း လုပ်နေရတာချည်းပါပဲ။ မနက်ကနေ နေတဝင် ကွန်ပျူတာ တစ်လုံးနဲ. တကုပ်ကုပ်လုပ်ပြီး ခါးချည့် နေကြတယ်။ အွန်လိုင်းတက်ပြီးတော့လည်း တာဝန်အရ ချက်တဲ့လူကချက် ကျူတဲ့လူကကျူကြသေးတော့ အိပ်ချိန်ကလည်းနည်းတယ်။ အဲဒါကြောင့် အစားနဲ.ကျားကန်ရမယ်။ ကောင်းကောင်းစား ကောင်းကောင်းသောက် အားရှိအောင် ရွေးစား အားတဲ့နေ.လေးလမ်းလျှောက်။ စိတ်လည်းပျော်ရွှင်တယ်။ လူလည်းကျန်းမာတယ်။
ခုဟာက လုပ်တော့ တစ်ပတ် ၆ ရက်။ စားတော့ အခြောက်အခြမ်းနဲ. ဘဲဥနဲ.။ နေတော့ ၂ ပေပတ်လည်အခန်းမှာ နှစ်ထပ်ခုတင်နဲ.။ အိပ်တာက တစ်နေ. ၄နာရီ။ ကိုယ်လက်လုပ်ရှားမှုလား အိမ်ကနေ ဓါတ်လှေကားကို လမ်းလျှောက်တယ်လေ (ဟင် ချွေးတွေဘယ်စီး ညာစီးနေမှာပေါ့) အဲဒီလို လုပ်နေလို.တာကတော့ ဘယ်လိုလုပ်ဘဝ ကြီးကနေပျော်မှာပါ့မလဲ။ ရောဂါရမှာသေချာတယ်။ ခံနိုင်လှ လေးနှစ်ပေါ့။ ပြီးရင် လျှောမှာပဲ။ တကယ်ပြောတာ။ အိမ်အတွက် ပို.တယ်။ သားသမီးအတွက် ပို.တယ်။ မိဘအတွက်ပို.တယ်။ ကိုယ့်အတွက်ကော။ ကိုယ်စဉ်းစားမိရဲ.လား။ ကိုယ်ရောဂါဖြစ်တော့ ဘယ်သူလာပို.ပေးမလဲ။ ကိုယ်စိတ်မပျော်တော့ ဘယ်သူလာချော့ပေးလို.လဲ။ ကိုယ့်ဘာကို ပျော်အောင်လည်းနေရတယ်။ ကိုယ်ကျန်းမာမှ စိတ်ကချမ်းသာမှာ။ အဲဒါမှ လုပ်နိုင်ကိုင်နိုင် ရှိမယ်။ ပိုက်ဆံများများရှာနိုင်မယ်။ မှုတ်ဘူးလား။
ကိုယ်အလုပ်ပင်ပန်းတော့ ခဏခဏနေမကောင်းဖြစ်တယ်။ အခုအဲဒါကြောင့် ခုတလော ကိုယ့်ကိုယ်ကို ဂရုစိုက်ပေးတယ်။ အစားများများစားတယ် (အစက မစားတာကျလို.)။ လမ်းတွေဘာတွေ ထွက်လျှောက်တယ်။ အပြင်ထွက်လည်တယ်။ သူငယ်ချင်းမိတ်ဆွေ အပေါင်းအသင်းတွေနဲ. ဆုံပြီး ဟိုပြောဒီပြောနဲ. ကိုယ့်စိတ်ကို ပျော်အောင်နေတယ်။ ဗီတာမင်ဆေးတွေ Supplement တွေသောက်ပေးတယ်။ အရမ်းပင်ပန်းရင် ကြက်ပေါင်းရည် တို. ဘာတို. သောက်ပေးတယ်။ နွားနို. နို.ချဉ် စတာတွေ စားပေးတယ်။ နို.ချဉ်က စားလို.လည်းကောင်းတယ် မျက်နှာမှာလည်း လိမ်းတယ်။ ပျားရည် သောက်တယ်။ လှတာက ထူးပြီးတော့မလှလာပါဘူး။ ဒါပေမယ့် အလုပ်ပင်ပန်းရင် ခံနိုင်ရည်ရှိတာပေါ့။ အမှန်က အဓိက အအိပ်မှန်ရမှာ ကိုယ်က အအိပ်မမှန်ဘူးဖြစ်နေလို. အစားလေးဝိုင်းကူပေးတာ။ ဘဝကို ပင်ပန်းပေမဲ့ ပျော်ပျော်ပဲ ဖြတ်သန်းရတာကောင်းပါတယ်။ မဟုတ်ဘူးလား။ ကိုယ့်မိသားစုအတွက် ထောက်ပံ့နိုင်ဖို. အရေးကြီးသလို ငါပဲလုပ်နေရတယ် ငါပဲ အပင်ပန်းခံနေရတယ် ဆိုတဲ့စိတ်တွေ ဝင်မလာဖို.လဲ လိုသေးတယ်လေ။ အဲဒီအတွက် ရောက်တဲ့နေရာမှာ ပျော်အောင်နေတတ်ရတယ်။ သူများတော့ သိဘူး။ ကိုယ်တို.က တော့ ချေးကျရာ ပျော်တဲ့လောက်လိုပဲ။ ရခိုင်ပြည်နေတော့လည်း ပျော်တယ်။ ရန်ကုန်ကျတော့လည်း ပျော်တယ်။ မန်းလေးရောက်တော့လည်းပျော်တယ်။ ဖားအံမယ်နေတော့လည်းပျော်တယ်။ ပခုက္ကူနေတော့လည်းပျော်တယ်။ ခုစင်္ကာပူနေတော့လည်း ပျော်တာပဲ။ အီသီယိုးပီးယားသွားရင်လည်း (စားနေရရင်) ပျော်မှာပဲထင်တယ်။ သိပ်စိတ်မဆင်းရဲတတ်ဘူး။
ဒီ weekend လေး နှစ်ရက်ပိတ်တော့ ဘော်ဘော်သရဲတွေနဲ. ဟိုလျှောက်သွား ဒီလျှောက်သွားပေါ့။ ဘော်ဘော်သရဲ ရယ်လို.တော့ မဟုတ်ပါဘူး။ ကလေးသွားထိန်းတာပေါ့။ အားလုံးကိုယ့်ထက်အငယ်တွေချည်းပဲ။ သို.သော်လည်း ပေါင်းလို.ဖြစ်ပါတယ်။ ရခိုင်အဖွဲ. တွေဆိုပါတော့။ စတိတ်ရှိုးအတွက် အကတိုက်မလို. ဆိုလို. moral support ပေးဖို.လိုက်သွားတာ။ မနက် ၁၂ခွဲ အိမ်က ထွက်တာ ၇ နာရီမှ အိမ်ပြန်ရောက်တယ်။ ဟုတ်ကဲ့ အကတိုက်တာက နာရီဝက်ပါ။ ကျန်တာက စားလိုက် သောက်လိုက် လေပန်းလိုက် အာလူးပွားလိုက် ဟိုနားသွားလိုက် ဒီနားသွားလိုက် စီးတီးဟောမှာ အပေါ်တက်လိုက် အောက်ဆင်းလိုက် လူပျောက်ရှာလိုက်နဲ. ကုန်သွားတာ။ အဟင်း။
0 comments:
Post a Comment