စင်္ကာပူမှာ ထိုင်းဆိုင်ကောင်းကောင်းရှာနေသူများအတွက်။

အစားအသောက် ရီဗျူးလေးတွေတောင် မရေးတာ ကြာပြီ။ ဒီတစ်ခါ တကယ် သွားကြည့်ရင် စိတ်ကျေနပ်မဲ့ဆိုင်တစ်ဆိုင်ကို ရွေးပေးလိုက်ပါတယ်။

ဂိုးလ်ဒင်းမိုင်း ကိုသိလား။ Lavender MRT နားမှာရှိတာလေ။ မြန်မာတွေ အင်မတန် ချစ်တဲ့ အိုင်စီအေ ရုံးကြီးနားမှာပေါ့။ ဂိုးလ်ဒင်းမိုင်း က ထိုင်းစီးတီးဟော ပေါ့။ စင်္ကာပူမှာ မြန်မာတွေရဲ. ဆုံဆည်းရာ ပင်နီဆူလာ ပလာဇာ ဖြစ်သလို ထိုင်းတွေ အကုန်လုံးလည်း ဂိုးလ်ဒင်းမိုင်းမှာ လာဆုံကြပါတယ်။ Authentic Thai Cuisine တွေကို အဲဒီမှာရနိုင်တယ်။ Thai Express ကိုတော့ သွားမစားကြပါနဲ.။ ဘယ်လိုမှကို မကောင်းတာပါ။ ဆိုင်အပြင်အဆင်အကြောင်းပြုပြီး ပိုက်ဆံကလည်း ပိုယူသေးတယ်။ အရသာကလည်း မရှိဘူး။ ဆိုင်သေးပေးမဲ့ ကောင်းတဲ့ဆိုင်လေးတွေ အများကြီးပါ။ အခု ဂိုးလ်ဒင်းမိုင်းက Diandin Leluk ဆိုတဲ့ ဘာကြီးမှန်းမသိတဲ့ နာမည်နဲ. စားလို.ကောင်းတဲ့ ထိုင်းဆိုင်ရီဗျူးရေးပေးလိုက်ပါတယ်။

စင်္ကာပူမှာရှိတဲ့ စားဖူးသမျှ ထိုင်းဆိုင်ထဲမှာ အကောင်းဆုံးလို. ပြောလို.ရပါတယ်။ ကိုယ့်အတွက်ပေါ့။ ထိုင်းမှာ စားခဲ့ရတဲ့ အစားအသသောက်တွေနဲ. ယှဉ်လို.ရပါတယ်။ အစားအသောက်ပိုင်း ပြောစရာမရှိပါဘူး။ ဆိုင်အပြင်အဆင်ကလည်း မဆိုးပါဘူး။ ပုံမှန် ရက်စတောရင့် တွေလောက်ပါ။ အဲ လာစားတဲ့လူတွေ တစ်ဝက်လောက်က ဗမာတွေ။ စားပွဲထိုးတွေ အားလုံးကလဲ ဗမာတွေပါ။ ဆားဗစ်ရဖို.တော့ မမျှော်လင့်နဲ.။ အစားအသောက်ကောင်းပေမဲ့ ဆားဗစ်က မကောင်းပါ။ စားပွဲထိုးလည်းလုပ်သေး မြန်မာတွေလာစားရင် လုပ်ပေးချင်သလိုလို မလုပ်ပေးချင်သလိုလိုနဲ.။ နှိမ်တာမဟုတ်ဘူး။ စားပွဲထိုး ကိုယ်လည်း လုပ်ဖူးတာပဲဟာ။ အလုပ်ကို စေတနာနဲ. လုပ်ပေးတယ်။ ကိုယ့်ဆိုင်က အစားအသာက်ကို သူများသဘောကျရင်ပျော်တယ်။ လာစားတဲ့လူကို လိုလေသေးမရှိအောင်လုပ်ပေးတယ်။ လုပ်မှတော့ စေတနာပါပါလုပ်ပေါ့။ ခုလုပ်လည်း လုပ်သေး၊ မြန်မာတွေလာရင် ပဲ စကားကပြောချင်သလိုလို မပြောချင်သလိုလိုနဲ.။ အဲဒီက မန်နေဂျာ ထိုင်းနဲ.လည်းမတည့်ဘူး စားပွဲထိုးတွေနဲ.လည်းမတည့်ဘူး. အဲဒီလို မတည့်တဲ့ကြားက မျက်နှာပြောင်တိုက်ပြီး ခဏ ခဏ သွားစားနေတည်းက ကောင်းမကောင်း စဉ်းစားကြည့်ပေါ့နော်။

ကဲကဲ စမယ်။

ဟင်းပွဲ အကောင်းတွေ အများကြီး ရှိပေမဲ့ ကိုယ်သွားရတဲ့ အကြောင်းရင်းက ဒီမျှစ်သုပ်ကြောင့်ပေါ့။  စပ်သလားလည်း မမေးနဲ.။ ကောင်းသလားလည်း မမေးနဲ.။ ရခိုင်ကြိုက် သုပ်ထားတာ။ ထိုင်းငပိလည်း ပါမှာပေါ့။ ကိုယ်ဆို အဖတ်စားရုံမက အရည်ပါသောက်သေးတယ် တစ်စက်မှ မကျန်စေရဘူး။ ၁၀ မှာ ၉.၉ ပေးပါတယ်။ စားကြည့် မကောင်းဘူးဆိုကြိုက်သလိုပြော။

း) ရောက်ရင် စားဖြစ်အောင် စားကြည့်လိုက်ပါ။

ဒါကတော့ ကြက်သားကင်ကို Pandan Leaf လို.ခေါ်တဲ့ အရွက်နဲ.ထုပ်ထားတာ။ မြန်မာပြည်မှာ ငှက်ပျောရွက် အင်ဖက်တွေနဲ. ဟင်းထုပ်သလို ဒီဖက်မှာလဲ ပန်ဒန်ရွက် နဲ. အမြဲတမ်းထုပ်ကြတယ်။ မလေးစတိုင်ပေါ့။ စားလို.ကောင်းပါတယ်။ ကိုယ်ကတော့ မက်မက်စက်စက်မရှိလှဘူး။

တုံယမ်းစွပ် ကတော့ မပါမဖြစ်ပေါ့ ထုံးစံအတိုင်း။ မဆိုးပါဘူး။ တုန်ယမ်းက အများကြီး မနည်းကုန်အောင် စားရတယ်။ ပုဇွန် ငါး ကင်းမွန် တွေ အများကြီးပေးထားပါတယ်။ ကွာပ စလုံးဆိုင်က တုံယမ်းနဲ.။

 ငပိထောင်းတို.စရာ ။ ထိုင်းဆိုင်တွေမှာရှိပြီး မြန်မာဆိုင်မှာမရှိတာ အဲဒါပဲ။ ဘယ်မြန်မာဆိုင်မှာ မဆို တို.စရာ ကို သခွားသီးကလွဲပြီး ကောင်းကောင်းကန်းကန်းမလုပ်ပေးပါဘူး။ ကိုယ်က ဟင်းသီးဟင်းရွက် ကြိုက်တဲ့လူဆိုတော့ အသားမပါနေ အခုလို ငပိထောင်း ကောင်းကောင်း ငါးအကင်အသေးတစ်ကောင် နဲ. ဟင်းရွက်ပြုတ် စိမ်းစိမ်းလေးနဲ.ဆို ထမင်းတစ်ထပ် ကောင်းကောင်းစားလို.ဝင်တာပေါ့။ ရွှေအင်းလေးမှာ ဒါမျိုး တစ်ပွဲကို သုံးကျပ် လေးကျပ်နဲ. ရောင်းလဲ ဝယ်စားမှာပဲ။ မရောင်းတာဆိုးတယ်။ အဲသူတို.ငပိထောင်းကတော့ ကိုယ့်အိမ်မှာထောင်းတဲ့ ရခိုင်ထောင်းလောက်တော့ မကောင်းဘူးပေါ့။

ဒီဟင်းကိုမြင်တော့ ကျောက်မြောင်း မင်းလမ်းဆိုင်ခွဲမှာစားခဲ့ရတဲ့ ကိုတံငါသည်ဟင်းကို သတိသွားရတယ်။ ငါးပေါင်းပါ။ ထိုင်းစတိုင် ချဉ်စပ်ကလေး လုပ်ထားပါတယ်။ စကားမစပ် စီးတီးဟော ဧရာဝတီ ဆိုင်မှာလည်း ဆားငံစေ့ ငါးပေါင်း ဆိုတာရှိတယ်။ မဆိုးဘူး။ ဒါက ဖရီးကြော်ငြာဝင်ပေးတာ။ ဟီးဟီး။
နောက်ပဲသီးကြော် ဒါကတော့ ဘာမှထူးထူးခြားခြားမရှိတော့ ဓါတ်ပုံမတင်တော့ဘူး။

နောက်ထမင်းစားပြီးတော့ အစာပိတ်အနေနဲ. အချိုပွဲမှာကြတယ်။ ကိုယ့်သူငယ်ချင်းတွေက အချိုပွဲကြိုက်လို. ဒီဆိုင်လာတဲ့လူတွေ။ ကောက်ညှင်း သရက်သီးရယ် ကောက်ညှင်းနဲ. ဒူးရင်းသီးရယ်။ နှစ်ခုလုံးကောင်းမှကောင်း။ ကောက်ညှင်းစီးစီးလေးမှာ အုန်းနိုးဆမ်းပြီးတော့ သရက်သီးစိတ်ချိုချဉ်လေး နဲ.တွဲထားတာ။ နောက်တစ်ခုက ဒူးရင်းပေါ့။ အချို အချဉ် အဆိမ့် အရသာကို စုံနေတာပဲ။ ကောင်းချက်က ရက်စက်တယ်။ ဒါလည်း လုံးဝ မြည်းကြည့်ကြပါ။ အထူးသဖြင့် ကောက်ညှင်း ဒူးရင်းသီးကို ။ ဒူးရင်းသီး ကြိုက်တတ်ရင်ပေါ့လေ။ အရမ်းအရမ်းကို ကောင်းတာပါပဲရှင် လို.ပြောကို ပြောစေရမယ်။း)

ဆိုင်ကဈေးသင့်တင့်ပါတယ်။ ၁ ယောက် ၂ ယောက်လောက်နဲ.သွားရင် ဈေးကြီးသလိုရှိပေမဲ့ ၅ ၆ ယောက်လောက်သွားပြီး ပေါင်းမှာ ပြန်ခွဲလိုက်ရင် သိပ်မပေးရဘူး။ သူတို.ရဲ့ portion ကတော်တော်ကြီးတယ်။ စားရတာတန်တယ်။ သူငယ်ချင်းတွေနဲ. ရော အလုပ်ကလူစုပြီးတော့ရော မိသားစုအလိုက်ကော ထမင်းအရသာရှိရှိ ကောင်းကောင်းကန်းကန်း စားချင်ရင် အဲဒီမှာသင့်တော်ပါတယ်။

ဘော်ဘော်သရဲများ

 

စားနေရတဲ့အချိန်တိုင်းသည် ပျော်ရွှင်မှုအတိပြီးပြည့်စုံ၏။ Quoted by Khine Wai Zan

စားနိုင်ရင်ကိုယ့်ဖို.

ခိုင်ဝေဇံ