အခုတလော အိမ်မှာပဲ စားစားဖြစ်တယ်။ အပြင်ထွက်ပြီး မစားဖြစ်ဘူးရယ်။ မိုးတွေဆက်တိုက်ရွာနေတာလဲပါတယ်။ ဒီတော့ အသစ်တင်စရာ ဘလော့ပို.စ်က မရှိဘူးဖြစ်နေတယ်။ ဒီတော့ ကိုယ်စဉ်းစားမိတယ်။ အပြင်ထွက်ပြီး မစားရရင်ပဲ ရက်စတောရင့်တက်မစားရင် ပဲ ကိုယ့်မှာရေးစရာမရှိတော့ဘူးလား။ စားသောက်ဆိုင် ရီဗျူးတွေပဲ ရေးနေတော့မှာလား။ အစားအသောက် ဘလော့ဂါလုပ်ချင်တဲ့လူတစ်ယောက်က ကိုယ်တိုင်ကော ချက်ဖို.ပြုတ်ဖို. မတတ်သင့်ဘူးလား။ ကိုယ်တိုင် အစားအသောက် ချက်နည်းပြုတ်နည်း အသစ်တွေကိုကော ထွင်လို.မရဘူးလား။ ဒီလို စဉ်းစားမိပြီးတဲ့ နောက်မှာ ကိုယ်နည်းနည်းအားတက်လာတယ်။ ကိုယ်အိမ်မှာ ဟိုဟို ဒီဒီချက်စားတာလေးတွေရှိတာပဲ။ တင်လို.ရတာပဲ။ ပြီးတော့ ပရက်တီကယ် ဖြစ်တယ်။ သူလိုကိုယ်လို တကိုယ်တည်း အပျိုကြီး အိုဗာဆီးမှာ အလုပ်လုပ်နေတဲ့ လူတွေ အလွယ်တကူလုပ်လို.ရတယ်။ ဘာလို.လဲဆိုတော့
၁။ ခက်ခက်ခဲခဲ ချက်ပြုတ်စားရတဲ့ ဟာတွေ ကိုယ်မစားဘူး။ အဲလောက်ထိ မချက်တတ်ဘူး။ မိနစ် ၂၀ စားဖို.သောက်ဖို.အတွက် ၁၀နာရီလောက် ချက်ရတဲ့ ဟာတွေကို ချက်ကို မနေတော့ဘူး။ အချိန်ကုန်မခံဘူး။
၂။ ကိုယ်ချက်တဲ့နည်း တွေက လွယ်တယ်။ သုံးတဲ့ ပစ္စည်းတွေက ရလွယ်တယ်။ ဟို စမုံစပါး ထည့်ရမယ်။ ဖာလာစိ ထည့်ရမယ်။ ဘယ်အရွက်မှထည့်ရမယ် ဆိုတာတွေမပါဘူး။
၃။ ကိုယ်ချက်တဲ့နည်းတွေက ဘယ်သူမှမသိဘူး။ မသိဆို စိတ်ကူးပေါက်ရာ ပေါက်ကရလေးဆယ် ချက်တာကိုး။ ဒါပေမဲ့ ကောင်းတယ်။
၎။ ရခိုင် သုပ်၊ချက် ကိုဘေ့စ်လုပ်တဲ့ အတွက် ချဉ်ချဉ် ငံငံ စပ်စပ်နဲ. အအီပြေတယ်။ အများ ပါးစပ်နဲ.တည့်တယ်။
၅။ အစားစုံ စားတဲ့အတွက် ချက်တဲ့ စတိုင်တွေက Fusion လ်ိုဖြစ်သွားတယ်။ မြန်မာချက်တစ်ခုတည်း မဟုတ်တော့ဘူး။ ပျင်းစရာမကောင်းဘူး။
၆။ အစတုန်းက ကိုယ့်ဟာကို ဒီလောက်တော်မှန်းမသိဘူး။ ဒါတွေချရေးပြီးမှ ငါတော်တော်တော်ပလား ဆိုတာ သိတယ်။
အန်းနီးဝေး . ဟီးဟီး။ ဒီနေ.မနက်က အိပ်ရာက မနိုးစဖူး မနက် ၅ နာရီခွဲနိုးတယ်။ နိုးမှာပေါ့ တမြန်မနေ.က နိုက်ဂျူတီဆိုတော့ မနေ.က တစ်ရက်လုံး ကုလားသေ ကုလားမော အိပ်ပြီး ညနေ၆နာရီမှ နိုးတာကြီးကို။ နိုးနိုးချင်း ဗိုက်ဆာတာ အတင်းပဲ။ ထမင်းလဲ မစားချင်ဘူး။ နောက်မှာ ဝက်ခြေထောက်တစ်ထုပ် ဝယ်ထားတာ သတိရတယ်။ ဝက်ခြေထောက်ကြာဇံ လိုမျိုးလုပ်စာရရင် ကောင်းမယ် လို. စိတ်ကူးပြီး အိပ်ရာက ကမန်းကတမ်းထ ချက်မဲ့အိုးထဲ ရေနွေးထည့်ကျို၊ ဝက်သားထည့် ၊ ဂျင်း တက်ထည့်၊ ကြက်သွန်ဖြူအကြီး ၄ ၅ ခြမ်းလောက်ထည့်ပြီး မီးအေးအေးနဲ. ကျိုထားလိုက်တယ်။ ပြီးတော့ အိပ်ရာထဲပြန်လာ ပြန်နှပ်တာပေါ့။
နာရီဝက်လောက်ကျတော့မှ ကြက်သွန်နီဥ အသေး ၃ ဥ လောက်ကောက်ထည့်ပြီး ဆားအချုိုမှုန်.ထည့် ပြီးတစ်ခါ ပစ်ထားလိုက်ပြန်ရော။ ကြက်သွန်နီက ဟင်းကို ချိုစေတယ်။ ခဏနေမြည်းကြည့်တော့ ဝက်သားက အသုံးမကျတာ မချိုဘူး။ လူကိုဒေါသတွေထွက်ကောပဲ။ နောက်ထက် မိနစ်၂၀ လောက်စောင့်တော့မှ ဟင်းရည်ကမွှေးပြီး အနံ.ထွက်လာတယ်။ အပေါ့အငံမြည်းကြည့်တော့ အတော်ပဲ။ ဟင်းရည်လည်းချိုတယ်။
ပြီးတော့ ခေါက်ဆွဲခြောက်ထုပ် (ရယ်ဒီမိတ်မဟုတ်) ကို တစ်ခါတည်း ထည့်ပြုတ်တယ်။ ရယ်ဒီမိတ် ခေါက်ဆွဲခြောက်က ခေါက်ဆွဲတွေက တောက်ဆတ်ဆတ်နဲ. စားလို.မရဘူး။ ခု ခေါက်ဆွဲခြောက်ထုပ်က ပျော့အိပြီးတော့ အရမ်းစားလို.ကောင်းတယ်။ ပြုတ်လိုက်ရင် ဆန်နံ. လိုလို မွှေးမွှေးလေးအနံ့ရတယ်။ ဈေးဆိုင်တိုင်းမှာရတယ်။ ထိုင်ဝမ်ဘက်က ဝင်တာတွေ ပိုကောင်းတယ်။ 
စားနိုင်ရင်ကိုယ့်ဖို.
ခိုင်ဝေဇံ
0 comments:
Post a Comment